}
Liafuan Badak Hosi PM Iha Tomada Pose Prezidente RAEOA Foun

"Orgullu tebes mak ha’u fó pose ba Sr. Prezidente Autoridade RAEOA (Rejiaun Administrativa Espesiál Oekusi-Ambenu), depois de ha’u hanesan Prezidente fó uluk tomada de pose ba Maun Boot Marí Alkatiri hanesan konseptor ba kria RAEOA/ZEESM iha tempu ne’ebá. Projetu Oekusi, tebes ne’e projetu nasionál, projetu ida ke la’o maka’as loos hahú kria to’o ohin loron. Buat barak ita halo tiha ona, mas buat barak mós ita seidauk halo i sira ne’ebé ita halo, ha’u hakarak iha ne’e pesoalmente agradese Sr. Prezidente Interinu i através ita-boot ba ekipa tomak em espesiál ba ita-nia maun-boot Marí Alkatiri, ba ita-boot sira-nia esforsu ne’ebé halo paraké Oekusi la’o to’o ohin loron. Naturalmente ekipa foun ba ne’ebá, Sr. Prezidente ita la ba halo foun, ita-boot sira ba hatutan buat ne’ebé sira halo ona, ida ne’ebé di’ak hatutan liután, ida ne’ebé ladi’ak ita muda, no ida ne’ebé ladún di’ak ita ajusta iha tempu ho hanoin ida hanesan ohin Sr. Prezidente RAEOA dehan responde aspirasoins nesesidade povu Oekusi nian. Ita-nia mehi mak ida ne’e, halo nusá mak Oekusi-oan sira bele benefisia dezenvolvimentu ne’ebé ita halo iha ne’ebá."

Le'e Mensajén kompletu iha ne'e!