Kazu Liu 2000 Mak Sei Pendente Iha TDD: PR Husu Atu Halais Prosesu Justisa

Dili, 29 jullu 2019 - Prezidente Repúblika, Francisco Guterres Lú Olo, husu Prezidente Tribunal Rekursu, Deolindo dos Santos, atu halais prosesu justisa tanba kazu barak sei pendente iha Tribunal iha sorumutu iha Palásiu Prezidensiál Nicolau Lobato, Dili.

Iha enkontru regulár ne’e Deolindo dos Santos informa katak halo ona esforsu halais prosesu justisa iha Tribunál. Esforsu sira ne’ebé halo fasilita ona ona halais justisa iha Tribunál. Tribunál iha Baucau uluk iha kazu pendente liu 1000, agora de’it liu 400, Oe-cusse hela de’it 400, Suai no Dili mak nafatin iha kazu pendente sei barak ho liu 800 no 2000.

Prezidente Tribunál Rekursu hatutan tan katak Númeru kazu pendente iha Tribunál Rekursu sai menus, husi 300 ba 132, iha fulan jullu 2019 nia rohan.

Prezidente Tribunál Rekursu informa mós konaba formasaun atu hasa’e kapasidade juiz sira durante fulan 6 nu’udar parte atu halais prosesu justisa iha Tribunál. Tuir Prezidente Rekursu katak presiza rekruta tan juiz na’in-10 ho kualidade atu bele ajuda halais prosesu justisa hodi aumenta juiz 33 ne’ebé namkari iha Tribunál sira.

Fonte: Mídia Presidente da República (PR)

Notísia Hotu-Hotu >