F-FDTL Sei Garante Seguransa Ba Bainaka Internasionál Iha Komemorasaun Bo’ot Rua

Díli, 07 Agostu 2019 - Prezidente Repúblika (PR) Francisco Guterres Lú Olo halao enkontru semanál ho Majór Jenerál Falintil-Forsa Defeza Timor-Leste (F-FDTL), Lere Anan Timur, iha Palásiu Prezidensiál Nicolau Lobato, Ai-tarak Laran.

Objetivu husi Sorumutu ne’e atu koalia kona-ba F-FDTL nia preparasaun atu asegura seguransa ba Komemorasaun Tinan 20 iha Loron Konsulta Populár 30 Agostu no Loron Prezensa Forsa ba Dame INTERFET iha Loron 20 Setembru.

Lere Anan Timur hateten katak F-FDTL sei servisu hamutuk ho Polísia Nasionál Timor-Leste (PNTL) hodi fó apoiu seguransa ba bainaka internasionál, liu-liu ba Xefe-Estadu no Xefe-Governu husi nasaun amigu sira.

Fonte: Mídia Presidente da República (PR)

Notísia Hotu-Hotu >