Violénsia Hasoru Labarik Exesionálmente Aas, Cidália Husu Família No Estadu Asumi Responsabilidade

Díli, 14 Agostu 2019 - Espoza Prezidente Repúblika, Cidália Guterres hamutuk ho organizasaun sosiedade sivil Save the Children, ChildFund, Plan Internasionál no World Vision lansa relatóriu kompreensívu ida kona ba violénsia fízika, emosionál, seksuál no dezkuida hasoru labarik ne’ebé moris iha Pasífiku no Timor-Leste.

Relatóriu ho títulu “the Unseen, Unsafe: Underinvestment in Ending Violence Against Children in the Pacific and Timor-Leste (La Haree, La Seguru: Menus Investimentu La Hapara Violénsia Hasoru Labarik iha Pasífiku no Timor-Leste) ne’ebé publika iha Jullu 2009 hatudu katak liu porsentu 70 ka millaun haat labarik iha nasaun ualu esperiensia disiplina violentu iha uma.

Relatóriu ne’e mós hatudu katak iha Timor-Leste dezkonsertante labarik porsentu 87 ka labarik 612,000 sofre violénsia fíziku ka emosionál iha uma. Taxa exesionálmente aas no boot liu kompara ho nasaun viziñu sira hanesan Papua Giné Foun, no nasaun Pasífiku sira seluk.

Labarik ne’ebé enfrenta violénsia no abuzu jeralmente sofre husi hakanek fíziku sériu, lakohi isin rua, tranzmite infesaun seksuál, trauma mentál no até mate.

Tuir relatóriu ne’e, violénsia bele rejulta atu haki’ak dezenvolvimentu kakutak, ne’ebé afeta ba labarik nia konsentrasaun, dezenvolvimentu linguajen no kapasidade atu lee no hakerek.

Relatóriu ne’e friza mós katak maski iha evidénsia klaru ba nível gravidade violénsia hasoru labarik iha rejiau, finansiadór no formuladór polítiku sira falla atu ratifika nesesidade sasukat atu hapara malisan ida ne’e.

Hare’e ba faktu ne’e, Cidalia Guterres ne’ebé nomeadu husi Organizasaun Plan Internasionál hanesan Embaixadóra ba Asuntu Hapara Violénsia no Abuzu Hasoru Labarik iha Timor-Leste, agradese ba relatóriu ne’ebé aprezenta dadus sira kona-bá violénsia hasoru labarik. Nia haktuir katak dadus ne’e bele ajuda parte relevante atu foti medida hodi hapara violénsia ba labarik.

Iha biban ne’e, espoza Prezidente Repúblika husu responsabilidade ema hotu ninian, liu-liu estadu ho família atu hamutuk hapara violénsia hasoru labarik.

Fonte: Mídia Gabinete Conjuge do PR


VAGA SERVISU
Short-Term Data Entry Support ($150/Month) Data ikus submissaun: 09/03/2020

Kaebauk Investimentu no Fin ... [Info Kompletu]

Upcycling Senior Technical Officer (Re-advertised - National Position) Data ikus submissaun: 04/03/2020

Mercy Corps Timor-Leste is ... [Info Kompletu]

ANÚNSIU & EVENTU
EoI for Procuring Printing Services Vale to'o: 06/03/2020

Chemonics International und ... [Info Kompletu]

Call for BID - Renovation of Kaebauk Office Vale to'o: 02/03/2020

The Kaebauk Investimentu no ... [Info Kompletu]

Brosura Timor News (Foun) Vale to'o: 31/12/2020

Ami haksolok hodi fahe ami ... [Info Kompletu]

Notísia Ikus Liu
Polítika 29/02/2020
<< KM Deside Kompañia MATO Hodi Fornese Kombustível Ba Sentrál Elétrika Hera Lote-1 >>
Semináriu 28/02/2020
<< Unicef Realiza Atividade Inovasaun ba Labarik Sira Iha Timor-Leste >>
Treinamentu 28/02/2020
<< MOP Fó Treinamentu ‘Training on Survey’ Ba Supervizór Sira Hosi Munisípiu Tolu >>
Saúde 28/02/2020
<< Atualizasaun Informasaun Surtu Vírus Corona Ne’ebé Espalla Iha Mundu Tomak >>
Internasionál 28/02/2020
<< PM Japaun Fó Feriadu Ba Eskola Primária No Sekundária Hodi Evita Vírus Corona >>
Edukasaun 28/02/2020
<< UNTL Prepara Ona Ezemplar Livru 50.272 Ba Estudante, Dosente No Pekizadór Sira >>
Saúde 28/02/2020
<< MS Esklarese Informasaun Loloos Kona-Ba Suspeitu Kazu Vírus Corona Iha TL >>
Kooperasaun 28/02/2020
<< Governu Koreanu Sei Kontrui Sentru Aprendizajen Lian Korea No Taekwondo Iha Oekusi >>
Seguransa 28/02/2020
<< NCIS Koopera Ho ERS Oferese Semináriu No Treinamentu Tátiku Ba Seksaun Anti Terorizmu PNTL >>
Inséndiu 28/02/2020
<< Ahi-Han Colégio Infante de Sagres Maliana >>
Notísia Hotu-Hotu >