Sekretáriu Estadu Juventude no Desportu Inagura Estadiu Munisipál Café Ermera

Gleno-Ermera, 20 Agostu 2019 - Sekretáriu Estado Juventude no Desportu (SEJD), Nelio Isaac akompaña husi Prezidenti Autoridade Munisípiu Ermera, José Martinho ofisialmente inagura Estádiu Munisipál Café Ermera.

“Ermera oan sira, imi nia estadiu mak ida ne’e. Maske seidauk hanesan estadiu ida ne’ebe imi hare bebeik iha nasaun sira ne’ebé avansadu, maibe pelu menus ho estadiu ida ne’e no infraestrutura ne’ebe naton, imi iha ona tempu atu pratika desportu,” dehan Nelio Isaac iha nia diskursu.

Sekretariu Estadu ne’e mos informa, estadiu Café Ermera iha tinan oin mos sei sai uma nain ba modalidade futebol ba jogos CPLP 2020 ne’ebe Timor-Leste sai uma nain ba festa desportu nasaun lingua Portugueza sira ne’e.

Ho estadiu foun ne’e, Prezidente Autoridade Munisipal Ermera, José Martinho espera bele hamosu jogadór selesaun nasionál husi Ermera oan.

Inagurasaun ne’e halo ho seremonia kua fita no asina plaka hosi sekretariu estadu no jogu amigável entre ekipa futebol SEJD vs Funsionáriu Autoridade Munisípiu Ermera.

Total orsamentu ne’ebe governu aloka ba kontrusaun estadiu ne’e fofoun US$ 1,169,672.63 no kaer hosi kompania Maferdi Unipessoal, Lda. Maibe iha nia implementasaun, kompania ne’e iha tinan 2015 wainhira halao obra ne’e to’o 2017 la konsege remata, maski halo ona pagamentu US$ 336,469.90.

Ho osan restu US$ 833,202.73, ikus governu foti dezisaun hapara kompania Maferdi no kontinua fali ho kompania SMS Contruction. Hafoin halo verifikasaun, governu aumenta osan tan US$ 318,340.25 no total sae ba US$ 1,151,542.98.

Ikus tamba iha adisional ba item balun hanesan parking area no variation order, governu aumenta tan osan addisional US$ 78,665.77 no total orsamentu ne’ebe governu halo pagamentu ba kompania SMS Construction hamutuk US$ 1,230,208.75.

Fonte: Mídia Secretário Estado Juventude e Desporto (SEJD)


VAGA SERVISU
Short-Term Data Entry Support ($150/Month) Data ikus submissaun: 09/03/2020

Kaebauk Investimentu no Fin ... [Info Kompletu]

Upcycling Senior Technical Officer (Re-advertised - National Position) Data ikus submissaun: 04/03/2020

Mercy Corps Timor-Leste is ... [Info Kompletu]

ANÚNSIU & EVENTU
EoI for Procuring Printing Services Vale to'o: 06/03/2020

Chemonics International und ... [Info Kompletu]

Call for BID - Renovation of Kaebauk Office Vale to'o: 02/03/2020

The Kaebauk Investimentu no ... [Info Kompletu]

Brosura Timor News (Foun) Vale to'o: 31/12/2020

Ami haksolok hodi fahe ami ... [Info Kompletu]

Notísia Ikus Liu
Polítika 29/02/2020
<< KM Deside Kompañia MATO Hodi Fornese Kombustível Ba Sentrál Elétrika Hera Lote-1 >>
Semináriu 28/02/2020
<< Unicef Realiza Atividade Inovasaun ba Labarik Sira Iha Timor-Leste >>
Treinamentu 28/02/2020
<< MOP Fó Treinamentu ‘Training on Survey’ Ba Supervizór Sira Hosi Munisípiu Tolu >>
Saúde 28/02/2020
<< Atualizasaun Informasaun Surtu Vírus Corona Ne’ebé Espalla Iha Mundu Tomak >>
Internasionál 28/02/2020
<< PM Japaun Fó Feriadu Ba Eskola Primária No Sekundária Hodi Evita Vírus Corona >>
Edukasaun 28/02/2020
<< UNTL Prepara Ona Ezemplar Livru 50.272 Ba Estudante, Dosente No Pekizadór Sira >>
Saúde 28/02/2020
<< MS Esklarese Informasaun Loloos Kona-Ba Suspeitu Kazu Vírus Corona Iha TL >>
Kooperasaun 28/02/2020
<< Governu Koreanu Sei Kontrui Sentru Aprendizajen Lian Korea No Taekwondo Iha Oekusi >>
Seguransa 28/02/2020
<< NCIS Koopera Ho ERS Oferese Semináriu No Treinamentu Tátiku Ba Seksaun Anti Terorizmu PNTL >>
Inséndiu 28/02/2020
<< Ahi-Han Colégio Infante de Sagres Maliana >>
Notísia Hotu-Hotu >