PM Bolu Ministru Defeza Hodi Diskuti Seguransa Fronteira Marítima

Díli, 2 Setembru 2019 - Primeiru Ministru Taur Matan Ruak bolu Ministru Defeza no Ministru Interiór Interinu Filomeno da Paixão de Jesus hodi koalia liu kona-ba Fronteira Marítima nian ne’ebé agora define klaru ona iha Palásiu Governu.

Ministru Filomeno Paixão hateten katak kona-ba seguransa tenke hanoin mós meius  ba forsa marítima no autoridade marítima mos tenke prepara-an hodi bele fó seguransa ba tasi. Governu mós iha ona planu ba tinan oin 2020 hodi sosa ró ida hodi fó ba autoridade, ró ne’ebé sei sosa  ho tipu pakote kompletu ho manutensaun.

“Señor Primeiru  Ministru mak bolu ha’u mai enkontru para koalia kona-ba seguransa fronteira marítima, tanba fronteira marka los ona agora ita tenke hanoin ona seguransa ba parte ne’ebé tama ba ita nian,” dehan Ministru Defeza ba jornalista sira bainhira remata enkontru.

Fonte: Mídia Ministério da Defesa

Notísia Hotu-Hotu >