Díli Rejista 209 Asidente Tráfegu Durante Fulan Juñu-Agostu 2019

Tuir estatístika asidente tráfegu husi PNTL iha 2019, hatudu katak, iha fulan Agostu rejista asidente hamutuk 137 iha teritóriu tomak. Díli mak rejista asidente bo'ot liu ho númeru 72 tamba iha populasaun barak liu kompara ho munisípiu sira seluk. 

Durante fulan Juñu to'o Agustu (fulan 3) iha kazu asidente tráfegu ho númeru média 135 asidente iha nível nasioná. Husi média ne’e Dili nafatin rejista asidente bo'ot liu (iha Juñu 2019 rejista kazu 67 no Jullu 2019 rejista kazu 70).

Kumulativamente, durante fulan 3 rejista asidente hamutuk 407 ba iha nível nasionál. Husi total asidente refere, Díli rejista  209 asidente ne’ebé koresponde ho 51%. Tuirmai mak Likisá ho 8% no Baucau ho Aileu ho 7%. Husi dadus ne'ebé mak Timor News apura, hatudu katak ba períodu fulan 3 ne'e (Juñu - Agostu) kompara ho tinan kotuk nian, ladun iha diferensa signifikativa, tinan 2018 Juñu-Agostu rejista asidente hamutuk 438.

 

Fonte: Mídia Polícia Nacional de Timor-Leste (PNTL)

Notísia Hotu-Hotu >