Empreza Husi Tasmania Disponível Rekruta Traballadór Timoroan Nain-340

Díli, 10 Setembru 2019 - Diretór Jerál Administrasaun no Finansas SEFOPE, Aniceto Leto Soro, akompaña husi adidu traballu Timor-Leste ba Australia Antonio Armindo no asesor sira hala’o enkontu ho empregadór husi Tasmania Austrália iha edifisiu SEFOPE Kaikoli.

Objektivu enkontru ho empregadór tamba hahú 11 Setembru 2019 sira sei hala’o teste ba kandidatu traballadór atus lima (500) ne’ebé liu ona teste iha Munisípiu ba programa SWP (Seasonal Worker Program). Husi traballadór atus lima ne’e atus tolu haat nulu (340) mak sei ba uluk servisu iha Austrália.

Tuir Diretór Jerál Administrasaun no finansas Aniceto Leto Soro hateten enkontru ne’e ko’alia mós oinsa buka mekanismu atu bele hadi’a prosedimentu balun nune’e ba oin bele garantia rekrutamentu ne’ebé transparansia no akontabilidade.

Entretantu adidu traballu Timor-Leste ba Austrália Antonio Armindo katak, traballadór sira tenki iha koñesimentu lian inglés oituan, hodi nune’e bele halo servisu iha rai liur, liu-liu hanesan Austrália.

Fonte: Mídia Secretariado de Estado para Formação Profissional e Emprego (SEFOPE)

Notísia Hotu-Hotu >