ETA Natarbora Sei Halo Interkámbiu Iha Hunan Polytechnic Xina

Díli, 10 Setembru 2019 - Ministru Agrikultura no Peskas, Joaquim Gusmão, Tersa-feira ne'e entrega dokumentu interkámbiu nia ba Mestri nain-2 no alunu nain-4 husi Eskola Téknika Agríkula (ETA) Natarbora iha salaun Enkontru MAP, Comoro.

Mestri nain-2 no alunu nain-4 ne’e sei ba halo Estudu Interkámbiu iha Hunan Polytechnic Xina. Mestri sei ba loron-10 no estudante sei ba fulan-2.

Iha okaziaun ne'e Ministru Agrikultura no Peskas hato'o Agradesimentu ba Nasaun Xina ne'ebé fo apoiu nafatin iha kapasitasaun Rekursu Humanu Timor-Leste nian liu-liu Estudu Interkámbiu.

Aleinde ide ne’e, MAP mos fó korajen ba estudante sira atu bele aproveita oportunidade ne'e ho didiak atu aprende, manan esperensia no haklean kuiñesementu ho buat ne’ebé sei hetan iha Hunan Polytechnic.

Serimónia ne’e pastisipa husi Sekretáriu Jerál MAP, Diretór Nasional Formasaun Teknìka Agrìkola MAP, Diretór ETA Natarbora, Parseiru Lomping Hight tech no inan aman sira.

Fonte: Mídia Ministério da Agricultura e Pescas (MAP)

Notísia Hotu-Hotu >