KM Aprova USD 300.000,00 Hodi Apoia Eleisaun Prezidensiál Guiné-Bissau

Iha Sorumutu Konsellu Ministru (KM) iha 11 Setembru 2019, Konsellu Ministru aprova proposta Deliberasaun husi Ministru Administrasaun Estatal iha ezersísiu, Abílio José Caetano, kona-ba apoiu finanseiru Timor-Leste ba eleisaun prezidensiál Guiné-Bissau iha fulan Novembru tinan 2019.

Konsellu Ministru mai ho forma ida ne’e atu responde kona-ba pedidu apoiu tékniku no finanseiru ba organizasaun no realizasaun husi eleisaun prezidensiál ne’ebé solisita husi Governu Guineense.

Governu Timor-Leste sei fó apoiu finanseiru ho valor USD 300.000,00 dolar amerikanu no ho nomeasaun Tomás do Rasário Cabral hanesan Reprezentante Espesiál husi Governu, ho misaun atu prosede identifikasaun husi obstakulu ba organizasaun no realizasaun husi operasaun resenseamentu eleitoral no husi eleisaun livre no loloos.

Fonte: Mídia Gabinete do Primeiro Ministro (GPM)

Notísia Hotu-Hotu >