AIFAESA Nakloke Ba Keisa Kona-ba Produtu, Presu No Ijiene Liuhosi Kontaktu 3310419

Díli, 11 Setembru 2019 - Aifaesa husu ba konsumidór sira ne’ebé mak sosa sasan/produtu iha loja, Supermerkadu, ka iha fatin ruma, mak hetan hanesan Produtu Liu Ona Prazu, Produtu Estraga/Aat Ona, Espekulasaun ba Presu no Restaurante La-Ijiene bele hato’o keisa direta iha AIFAESA, I.P, liuhosi Departamentu Operasaun, Divizaun Informasaun Públika, iha Avenida Mártires da Pátria, Matadouro, Dili. Bele hato’o mensajem husi pajina Facebook AIFAESA ka liga diretamente ba númeru telefone 3310419.

Atu halo keisa presija:

Ba Produtu: Lori prova produtu ne’ebé estragadu ona ka liu ona prazu, nota/resibu ne’ebé simu husi loja, dokumentasaun/toto ba fatin fa’an ka loja.

Ba Espekulasaun Presu: Lori nota/resibu ne’ebé simu husi loja no dokumentasaun/foto ba presu ne’ebé taka ba sasan/produtu refere.

Reklamante tenki lori Kartaun Eleitoral ka BI, ba konsumidor internasionál lori passaporte. Reklamante sei priense Fixa Reklamasaun iha Divizaun Informasaun Públika.

Fonte: Mídia AIFAESA IP

Notísia Hotu-Hotu >