FSS-UNTL Atribui Títulu Akadémiku Lisensiadu ba Finalista Nain-97

Díli, 18 Novembru 2019 - Universidade Nacional Timor Lorosa’e (UNTL) nia Fakuldade Siénsia Sosiál (FSS) realiza Judisium (16-11) ba dala XXII, hodi atibui títulu akadémiku ba finanlista nain sianulu resin hitu (97) ne’ebé prienxe hotu ona kritériu ba graduasaun iha periódu daruak tinan akadémiku 2019 nian.

Iha serimónia refere Dekanu FSS, Profesór Camilo Ximenes Almeida hateten katak Judisium prosesu ida maka lori finalista sira atu husik ona fakuldade tanba ne’e sira mós iha direitu hetan ona títulu akadémiku lisensiadu hodi prepara ba graduasaun.

"Ohin imi simu valór ne'e, no imi hanoin katak estuda hotu ona no la presiza loke tan livru, maibé ida ne'e iha responsabilidade boot liután, tanba ida-idak sei ba imi nia suku no sosiedade hodi serbi no hatudu imi-nia maturidade nu'udar ema formadu husi universidade", dehan Dekanu.

Reprezentante inan-aman, Zelia Trindade hato’o parabens no agradese ba maknorin sira FSS nian ne'ebé durante tinan barak nia laran fó ona matenek ba oan sira no João Francisco, nudar reprezentante husi finalista sira ,agradese ba estrutura no dosente sira FSS nian ne'ebé furante ne'e sai ona matadalan ba sira to'o remata.

Serimónia judisium ba dala XXII ne'e fakuldade atribui ba finalista hamutuk 97 ne'ebé kompostu husi departamentu neen, inklui Departamentu Siénsia Polítika nain 18, Departamentu Administrasaun Polítika nain 14, Departamentu Dezenvolvimentu Komentáriu nain 10, Departamentu Polítika Públika nain 20, Departamentu Komunikasaun Sosiál nain 21, no Departamentu Relasaun Internasionál nain 14.

Eventu ne’e partisipa hosi Eis-Reitór UNTL nian Profesór Aurelio Cristovão Guterres, Eis-Primeira-Dama Sra. Isabel Pereira, Dekanu FSS ho nia estrutura, dosente, estudante, inan-aman no konvidadu espesiál sira seluk.

Fonte: Mídia Universidade Nacional Timor Lorosa'e (UNTL)


VAGA SERVISU
MDF: Technical Expert on Biosecurity & Pig Farming Data ikus submissaun: 15/07/2020

The Market Development Faci ... [Info Kompletu]

Sanitation and Hygiene Officer (TL National Position) Data ikus submissaun: 08/07/2020

WaterAid Timor-Leste is see ... [Info Kompletu]

Kaebauk: Senior Accounting Data ikus submissaun: 14/07/2020

Kaebauk Investimentu no Fin ... [Info Kompletu]

Notísia Ikus Liu
Polítika 07/07/2020
<< Alkatiri Hatama Ona Keixa Kontra CPN-CNRT No Sei Hatama Mos Keixa Hasoru Mídia Balu >>
Polítika 07/07/2020
<< Edifísiu Arte Moris Iha Komoro Sei Sai Fali Fatin Própriu Ba Veteranu Sira Hodi Uza >>
Apoiu 07/07/2020
<< Kompañia Mie Sedap Fó Apoiu Umanitária Supermie Kaixa 270 Ba Komandu PNTL >>
Komérsiu 07/07/2020
<< Daya Marketing Halo Destruisaun Inklui “Manu Timor” Falun 1.150 No “Ayam Potong 900gr” Kaixa 400 >>
Dezenvolvimentu 06/07/2020
<< Konstrusaun Estrada Baukau-Vikeke Sei Gasta Dólar Millaun 44 >>
Polítika 06/07/2020
<< Primeiru-Ministru Hakarak Ema Ne’ebé Viola Kódigu Estrada Di’ak Liu Multa De’it >>
Seguransa 06/07/2020
<< Iha Semana Kotuk Nia Laran Ema Ne’ebé Tama Ilegalmente Hamutuk Na’in-21 >>
Dezenvolvimentu 06/07/2020
<< MOP Halo Inspesaun Ba Servisu Konstrusaun Estrada Nasionál Baukau-Vikeke >>
Polítika 06/07/2020
<< PM: Se Ita Hakarak Lori Timor Ba Oin, Tenke Prontu Hodi Transfere Ba Munisípiu >>
Dezenvolvimentu 06/07/2020
<< Progresu Konstrusaun Edifísiu Foun Tolu UNTL Nian Atinji Ona Pursentu 20% To’o 28% >>
Notísia Hotu-Hotu >