Hau Nia Lian: Hau Nia Ditreitu – Sai Foinsa’e Iha Timor-Leste

Díli, 19 Novembru 2019 - UNICEF hala'o atividade ho naran ‘UNICEF Café’ ne’ebé fó plataforma ida ba diskusaun kona-ba tema relasiona ho labarik. Iha oportunudadade ferere, tema maka ‘Hau Nia Lian: Hau Nia Ditreitu – sai foin-sa’e iha Timor-Leste'.
Predominantemente panelista sira husi foin-sa’e diskuti kestaun hirak ne’ebé mak afeta sira, koalia kona-ba menus asesu tanba dizabilidade, isin-rua sedu iha otas foin-sa’e, oinsa relijiaun mós bolu atensaun kona-ba protesaun ba labarik sira, xamada ida ba foin-sa’e sira atu la-bele sai pasivu deit hodi simu buat ruma maibé atu lidera esforsu ne’ebé fó benefisiu ba labarik no foin-sa’e sira, no labarik ida koalia mós kona-ba presiju ba kualiadade edukasaun.

Besik ema atus ida mak partisipa iha iventu ne’e iha lobby Timor Plaza, Dili. Iventu ne’e hanesan parte husi atividade seluk atu marka Loron Aniversariu ba dala 30 Konvensaun Direitu Labarik. Liafuan abertura husi Promotora Direitu Labarik UNICEF Timor-Leste, Maria Vitória (artista famoza ho naran Marvi).

Maizumenus foin-sa’e no adolesente hamutuk neen nulu hola parte iha iventu ne’e no iha diskusaun. Bainaka seluk inklui Ambasador Australia ba Timor-Leste, Peter Roberts, Ambasadora Estadus Unidus da Amérika ba Timor-Leste, Kathleen M. Fitzpatrick, Ambasador Noza Zelandia ba Timor-Leste, Philip Richard Hewitt, Komisaria Direitu Labarik, Dinorah Granadeiro, no reprezentante husi Uniaun Europeia iha Timor-Leste. Reprezentativa UNICEF, Valérie Taton, mós koalia, nota katak konseitu UNICEF Café relasiona ho fornesimentu plataforma ida ba foin-sa’e sira atu partisipa iha diskusaun no hola desizaun.

Fonte: Mídia UNICEF Iha Timor-Leste

Notísia Hotu-Hotu >