PM: Se Ita Hakarak Lori Timor Ba Oin, Tenke Prontu Hodi Transfere Ba Munisípiu

Dili, 03 Jullu 2020 – Primeiru-Ministru (PM) Taur Matan Ruak iha reuniaun preparasaun ba Loron Nasionál Funsaun Públika nian, iha edifísiu Ministériu Finansas, Aitarak Laran, Dili, husik hela mensajén ba servidór públiku sira hotu atu prontu assumi responsabilidade karik iha despaixu hodi transfere ba iha munisípiu sira.

“Ha’u ko’alia ho Prezidente Komisaun Funsaun Públika, iha rezisténsia barak iha Funsionalizmu Públiku atu ba foho (transfere ba munisípiu). Ha’u espera ke iha ha’u-nia tempu tinan 2 ka 3 ne’e ita-boot sira la iha rezisténsia. Ita-boot sira jura iha Lei nia oin hateten (…) Ha’u sei loke dalan se mak lakohi, hasai tiha i seluk bele ba, tanba jura tiha dehan bele ba fatin hotu-hotu depois lakohi ba tanba saida? (…) Halo nusa mak nasaun bele ba oin. Tanba ema ida ema rua ita tenke paraliza nasaun tomak? Estadu labele funsiona hanesan ne’e. Klaru ke ita respeita direitu fundamental ema nian, mas nia tenke hatene, se ser pago é mesmo para fazer isso. Estadu selu tenke serbisu, selae polítika-polítika pois hakarak sai funsionáriu como é possível. Hanesan fali ema iha Timor la iha só nia de’it mak bele lori Timor ba oin! Ita iha prinsípiu katak la iha ema ida ke insubstituível. Se ita hakarak lori ita-nia nasaun ba oin ida ne’e mak ita tenke halo.

Fonte: Mídia Gabinete do Primeiro Ministro (GPM)

Notísia Hotu-Hotu >