Iha Semana Kotuk Nia Laran Ema Ne’ebé Tama Ilegalmente Hamutuk Na’in-21

Dili, 06 Jullu 2020 - Hafoin Sala Situasaun remata, servisu prevensaun no mitigasaun Covid-19 iha fali Ministériu Saúde (MS), ho nune’e, atu kontinua fila-fali hodi hato’o informasaun ba públiku kona-ba atualizasaun dadus surtu Covid-19 iha Timor-Leste iha kada loron segunda tuku 15.00 Oras Timor-Leste.

MS hato’o mos katak durante semana ida kotuk nian laran, totál ema ne’ebé tama hosi Pontu Entrada hotu (Aeroportu, Portu Marítimu no Terestre) hamutuk ema na’in-70. Hosi númeru ne’e, iha ema na’in-27 mak halo autokuarentena no na’in-43 tama hotu iha konfinamentu obrigatóriu ne’ebé governu prepara.

Iha mos ema ne’ebé tama ilegalmente hamutuk na’in-21. Na’in-10 tama hosi Memo, na’in-6 tama hosi Batugade , na’in-1 tama hosi Cova, no na’in-3 tama hsi Tunubibi. Entre sira ne’e, iha sidadaun estranjeiru na’in-1 tama hosi Lifau, Oekuse, Parte imigrasaun deporta fali ona.

Sidadaun hirak ne’ebé tama ilegalmente oras ne’e daudauk hala’o hela kuarentena iha fasilidade ne’ebé governu dezigna.

Fonte: Mídia Palácio das Cinzas

Notísia Hotu-Hotu >