Konstrusaun Estrada Baukau-Vikeke Sei Gasta Dólar Millaun 44

Dili, 06 Jullu 2020 – Ministru Obras Públikas (MOP), Salvador Pires hala’o inspesaun ba projetu Estrada Baukau-Venilale no Venilale-Vikeke (Baukau-Vikeke).

Projetu estrada nasionál trosu Baukau-Venilale no Venilale-Vikeke ne'e kontrui hosi kompañia Internasionál CRIG-COVEC ho distánsia Kilómetru 58 resin, ho orsamentu millaun 44 dólar Amerikanu, fundu empréstimu hosi Banku Dezenvolvimentu Aziátiku (sigla inglés ADB).

Lansamentu fatuk dahuluk ba konstrusaun estrada Baukau-Vikeke ne’e hala'o hosi MOP, iha 09 Agostu 2019. Projetu estrada ne'e iha Lot 2, Lot dahuluk mak hosi Baukau to'o Venilale no Lot daruak mak hosi Venilale to'o Vikeke.

Hafoin lansamentu kompañia konstrutór no supervizór mobiliza kedas ekipamentu pezadu no halo levantamentu dadus ba reasentamentu ka indiminizasaun ba komunidade nia ai-horis ne'ebé afeitadu hosi konstrusaun ne'e rasik.

Konstrusaun projetu ne'e sei hala'o durante tinan tolu nia-laran, hahú hosi Agostu 2019 no sei termina iha Fevereiru 2022.

Fonte: Mídia Ministério das Obras Pública (MOP)

Notísia Hotu-Hotu >