Edifísiu Arte Moris Iha Komoro Sei Sai Fali Fatin Própriu Ba Veteranu Sira Hodi Uza

Díli, 07 Jullu 2020 - Primeiru-Ministru Taur Matan Ruak simu iha audiénsia Prezidente Administrasaun Konsellu ba Kombatente Libertasaun Nasionál (sigla portugés CCLN), Vidal de Jesus ‘Riak Leman’ ho nia ekipa, Segunda ne’e (06/7), iha Palásiu Governu. Iha audiénsia ne’e, Prezidente CCLN husu fatin própriu ba Xefe Governu atu uza hanesan edifísiu ba CCLN nian, alein hosi relata serbisu komisaun nian.

Hatán ba ne’e, Xefe Governu indika eiz edifísiu Muzeu iha tempu okupasaun Indonézia nian, iha Komoro, besik Akademia PNTL, ne’ebé atualmente grupu Arte Moris okupa hela, atu rehabilita hodi bele uza ba servisu atende nesesidade Veteranu sira-nian.

“Ami reprezenta Konsellu mai hasoru S.Exa. Primeiru-Ministru, ohin ami trata asuntu rua, asuntu ida kona-ba fatin la iha atu Konsellu servisu, asuntu ida seluk ami relata servisu komisaun nian ba S.Exa. Sr. Primeiru-Ministru. Agora ami hetan ona fatin, S.Exa. Primeiru-Ministru dehan muda fatin se la sala Konsellu ba servisu iha Arte Moris-Komoro.” Dehan Riak Leman ba jornalista sira hafoin remata enkontru.

Fonte: Mídia Gabinete do Primeiro Ministro (GPM)

Notísia Hotu-Hotu >